apni yaad leti jao
ab na rakh sakunga main
us ko meri tanhai
sath rakh nahin sakti
mujh ko meri tanhai
bar bar kahti hai
us se mera kya rishta
us se meri ban pae
ye kabhi nahin mumkin
raat din bigaDti hai
laDti hai jhagaDti hai
jaanti hun main lekin
us ke bas mein rahta hun
raat phir ye jhagDa tha
lakh us ko samjhaya
aa paDi hai zid aisi
kah uThi thi jhalla kar
mante nahin to phir
tum se dosti kaisi
utna wo bigaDti hai
jitna us ko kahta hun
leti jao yaad apni
ab na rakh sakunga main
apni yaad leti jao
Nazm
Tanhai
Sabir Dutt