mat puchh ye mujh se dost mere
kyun sham Dhale in aankhon mein
be-nam si ek udasi ki
ghanghor ghaTaen rahti hain
kyun be-KHud ho kar is lamhe
Dhalta hua suraj takta hun
aankhon mein kisi ka aks liye
kyun badan kitaben takta hun
mat puchh ye waqt hi aisa hai
mujhe dil par zor nahin rahta
main lakh chhupata hun lekin
ashkon ko rok nahin sakta
ek qarz chukane ki KHatir
ye kuchh lamhon ki chori hai
bas yunhi samajh le yar mere
ye sham meri kamzori hai
Nazm
Sham meri kamzori hai
Shakeel Jazib