tha to sarsabz, wo pauda to hara tha
aur tandurust thin shaKHen bhi
magar us ka koi qad na nikal paya tha
go bahut sal wo sincha bhi gaya
mere mali ko shikayat thi
kabhi phul na aae us par
aur kai sal ke baad
mere mali ne use khod nikala hai zamin se
sare baghiche mein phaili hui nikli hain jaDen
barson pale hue rishte ki tarah
jis ki shaKHen to hari rahti hain lekin
us par, phul phal aate nahin
Nazm
ShaKHen
Gulzar