ek aur ghar bhi tha mera
jis mein main rahta tha kabhi
ek aur kumba tha mera
bachchon baDon ke darmiyan
ek aur hasti thi meri
kuchh ranj the kuchh KHwab the
maujud hain jo aaj bhi
wo ghar jo thi basti meri
ye ghar jo hai basti meri
us mein bhi thi hasti meri
is mein bhi hai hasti meri
aur main hun jaise koi shai
do bastiyon mein ajnabi
Nazm
Ek aur ghar bhi tha mera
Muneer Niyazi