چکن فرائیڈ حلال رکھنا

تمہاری دعوت قبول مجھ کو مگر تم اتنا خیال رکھنا
بیئر کسی بھی برانڈ کی ہو چکن فرائیڈ حلال رکھنا

بھری ہوئی ریل میں چڑھو تو تم اپنی حرمت سنبھال رکھنا
نئے زمانوں کا ہے تقاضا پرائے ہونٹوں پہ گال رکھنا

ادھر ہے پتھر ادھر ہے لاٹھی ذرا یہ ٹوپی سنبھال رکھنا
میں اپنے سر کا خیال رکھوں تم اپنے سر کا خیال رکھنا

پچاس کو وہ کراس کر کے کچھ اور خوں خوار ہو گئی ہے
اگر اسے آنٹی کہو تو نگاہ میں ہسپتال رکھنا