الاماں الاماں

صبح سے شام تک
سلسلہ زیست کا

کس قدر ہے کٹھن کس قدر بے اماں
لمحہ لمحہ سسکتی ہوئی زندگی

ہر قدم پر بلکتی ہوئی زندگی
خواہشوں کی اسیری پہ نوحہ کناں

ہر گھڑی جسم و جاں
روح گھائل خراشوں کے دل پر نشاں

روز اول سے جاری و ساری یہاں
وحشتوں کا سماں

کوئی پل بھی اذیت سے خالی نہیں
کون سی آنکھ ہے جو سوالی نہیں

کوئی وارث نہیں کوئی والی نہیں
گلشن خواب کا کوئی مالی نہیں

ختم ہوتا نہیں شور‌ آہ و فغاں
ہے ازل سے ابد تک یہی داستاں

الاماں الاماں!!