اے میری جاں مری آنکھوں کی روشنی سن تو

اے میری جاں مری آنکھوں کی روشنی سن تو
جو زخم تو نے دئیے میں نے گل بنا ڈالے

مہک رہے ہیں وہی شعر بن کے سانسوں میں
ترے لبوں نے کئی گیت مجھ کو بخشے ہیں

ترے ہی جسم کا جادو جگا ہے نظموں میں
اے میری جاں مری غزلوں کی نغمگی سن تو

تو آج بھی مرے ہم راہ ہم نوا ہے مری
ترے ہی نام پے دل اب تلک دھڑکتا ہے

میں تجھ کو بھول گیا یے خیال ہے تیرا
یے سوچ ہے تری بے معنی بے سبب سن تو

اے میری جاں مری غزلوں کی تازگی سن تو