agar tum farz kar lo
tum mere kar-e-nashat-o-wasl ka yakta zariya ho
tumhaare husn ki pur-pech galiyon ka
main ek tanha musafir hun
hamein har roz
mashq-e-wasl ke haijaan se ho kar
nai manzil ko pana hai
nai masti ka ek sailab lana hai
aur us sailab mein sare jahan ko Dub jaana hai
main waqif hun ki ye mumkin nahin lekin
agar tum farz kar lo
Nazm
Agar tum farz kar lo
Naeem Zarrar Ahmad