main bahar se aazad nahin
andar se hun
KHwab mein
is se zyaada
main KHwab ki aazadi
apne andar la kar
us ki soch jita hun
chahta hun
use bahar la kar
us ki zindagi jina
agar KHwab ki
waqiyat farz kar li jae
meri aazadi waqe ho chuki
meri aazadi waqe ho chuki
main apni aazadi mein
waqe nahin hua
meri aazadi waqe ho chuki
main us ka mahall-e-waqu
tabdil karna chahta hun
use apne ird-gard
basana chahta hun
mohabbat KHwab se bahar talak
rasta bana sakti hai
aazadi mein waqe hone ke liye
aazadi mein waqe hone ke liye
hamein apne KHwab
aapas mein bandh lene chahiyen
Nazm
Aazadi ka mahall-e-waqu-1
Syed Kashif Raza