zindagi tujh pe giran hai tu marega kaise
jis ko rona nahin aata wo hansega kaise
meri aankhon mein koi ashk na honTon pe ghazal
dastan-e-gham-e-dil koi sunega kaise
hath shal ho gae dil dard se mahrum hua
parda chhoDa hai jo us ne wo haTega kaise
kaisa nadan hai tu jab mera dil toDa tha
ye na socha ki tujhe yaad karega kaise
aastan chhoD ke tera main kahin ka na raha
baiThna aae na jis ko wo chalega kaise
ab ke shohrat ko KHabar hai teri bad-KHui ki
marsiya dil ka tere aage paDega kaise
Ghazal
Zindagi tujh pe giran hai tu marega kaise
Shohrat Bukhari