zindagi ke kaTahre mein ek be-KHata aadmi ki tarah
hum muKHatib hue aap se be-nawa aadmi ki tarah
duriyon se ubharta hua aks taswir banta gaya
guftugu raat karti thi hum se hawa aadmi ki tarah
kaun kya sochta hai hamare rawayyon pe socha nahin
umr hum ne guzari hai ek mubtala aadmi ki tarah
rauzanon tak se koi makin jhankta ye bhi mumkin na tha
dastaken deti phirti thi baad-e-saba aadmi ki tarah
Ghazal
Zindagi ke kaTahre mein ek be-KHata aadmi ki tarah
Sattar Syed