zaKHm kha ke KHandan hain pairahan-darida hum
zindagi ka nauha hum waqt ka qasida hum
jaane taba ke hathon kaun ghaT utrenge
shahr se gurezan hum dasht se ramida hum
zindagi ki aankhon mein raat-din khaTakte hain
KHas jo hain to la-sani KHar hain to chida hum
barg barg taza hai zaKHm zaKHm rista hai
mausam-e-bahaaran mein shaKH-e-nau-burida hum
bazm-e-rang-o-naghma mein kaun multafit hoga
aah-e-na-kashida hum harf-e-na-shanida hum
Ghazal
ZaKHm kha ke KHandan hain pairahan-darida hum
Basheer Munzir