ZaKHm-e-dil tujhse main chhupaun kya

zaKHm-e-dil tujh se main chhupaun kya
dard sah kar bhi muskuraun kya

ho ijazat to teri mahfil mein
apni qismat ko aazmaun kya

kyun ishaaron mein kah raha hai tu
saf kah de ki bhul jaun kya

yun to ye daur hai latifon ka
tum kaho to ghazal sunaun kya

aish-o-ishrat ke waste ai dil
daw iman ka lagaun kya

sab ka kirdar jo sajata hai
aaina wo tujhe dikhaun kya

roTi kapDa makan mile sab ko
KHwab aise 'asar' sajaun kya