زہراب تشنگی کا مزہ ہم سے پوچھیے
گزری ہوئی صدی کا مزہ ہم سے پوچھیے
اک پل خیال یار میں ہم منہمک رہے
اک پل میں اک صدی کا مزہ ہم سے پوچھیے
شہرت کی بے خودی کا مزہ آپ جانیے
عزت کی زندگی کا مزہ ہم سے پوچھیے
کیف و نشاط جس سے ملا ہم کو بارہا
اس کرب آگہی کا مزہ ہم سے پوچھیے
فکر جہاں ہے اور نہ لٹنے کا خوف ہے
قلاش زندگی کا مزہ ہم سے پوچھیے
فکر سخن میں ہم نے زمانے کی سیر کی
عارفؔ سخنوری کا مزہ ہم سے پوچھیے
غزل
زہراب تشنگی کا مزہ ہم سے پوچھیے
عارف انصاری