yun musallat to dhuan jism ke andar tak hai
dastaras aankh ki lekin kisi manzar tak hai
muD ke dekhun to taaqub mein wahi saya ho
bhul jaun mere hamrah koi ghar tak hai
main ki viran jazira hun basa de mujh ko
ai ki aqlim teri sat samundar tak hai
us ke aage mujhe be-samt-o-nishan jaana tha
main ne samjha tha safar aaKHiri patthar tak hai
Ghazal
Yun musallat to dhuan jism ke andar tak hai
Farrukh Jafari