yun bhi jine ke bahane nikle
khoj KHud apna lagane nikle
piTh par bojh shikam ka le kar
hum teri yaad jagane nikle
aankh lag jae to wahshat kam ho
chand kis waqt na jaane nikle
wahi lamhe jo the lamhon se bhi kam
apni wusat mein zamane nikle
ek tabassum pe Talegi har baat
dagh dilkash ko dikhane nikle
qaht aabaad-suKHan mein 'shahin'
kyun ghazal apni ginwane nikle
Ghazal
Yun bhi jine ke bahane nikle
Wali Alam Shaheen