ye zamin kis qadar sajai gai
zindagi ki taDap baDhai gai
aaine se bigaD ke baiTh gae
jin ki surat jinhen dikhai gai
dushmanon hi se bhi to nibh jae
doston se to aashnai gai
nasl-dar-nasl intizar raha
qasr TuTe na be-nawai gai
zindagi ka nasib kya kahiye
ek sita thi jo satai gai
hum na autar the na paighambar
kyun ye azmat hamein dilai gai
maut pai salib par hum ne
umr ban-bas mein bitai gai
Ghazal
Ye zamin kis qadar sajai gai
Sahir Ludhianvi