Ye kis ada se chaman se bahaar guzri hai

ye kis ada se chaman se bahaar guzri hai
sulag sulag ke tamanna hazar guzri hai

hayat dil ki jo ek shab shumar kar bhi lun
wo ek shab hi bahut be-qarar guzri hai

uDa ke le jo gai dil ki siskiyan bulbul
chaman chaman pe qayamat hazar guzri hai

saba ne chhu jo liya KHushbuon ke aanchal ko
jabin-e-gul pe shikan nagawar guzri hai

ye kis maqam pe pahunchi hai justuju dil ki
visal rut thi magar sogwar guzri hai

wafa udas hui thi fareb kha kha kar
meri nigah se guzri to mushk-bar guzri hai