ye jo lahore se mohabbat hai
ye kisi aur se mohabbat hai
aur wo aur tum nahin shayad
mujh ko jis aur se mohabbat hai
ye hun main aur ye meri taswir
dekh le ghaur se mohabbat hai
bachpana kam-sini jawani aaj
tere har daur se mohabbat hai
ek tahzib hai mujhe maqsud
mujh ko ek daur se mohabbat hai
us ki har tarz mujh ko bhati hai
us ke har taur se mohabbat hai
Ghazal
Ye jo lahore se mohabbat hai
Fakhr Abbas