ye jo ek laDki pe hain tainat pahre-dar sau
dekhti hain us ki aankhen bheDiye KHun-KHwar sau
diqqaten akasr wo meri banTti hai is tarah
apne bakse se nikalegi abhi do chaar sau
aaengi jab mushkilen to wo bacha lega mujhe
ek bharosa dega aur karwaega begar sau
race mein hogi saDak par zindagi ki gaDiyan
ek assi par chalegi ek ki raftar sau
kitna mushkil kaam hai achchhaiyon ko DhunDhna
yun to KHabron se bhare hain roz hi aKHbar sau
Ghazal
Ye jo ek laDki pe hain tainat pahre-dar sau
Pratap Somvanshi