ye jabr bhi hai bahut iKHtiyar karte hue
guzar rahi hai tera intizar karte hue
kali khili to usi KHush-suKHan ki yaad aai
saba bhi ab ke chali sogwar karte hue
tere badan ke gulistan ki yaad aati hai
KHud apni zat ke sahra ko par karte hue
ye dil ki rah chamakti thi aaine ki tarah
guzar gaya wo use bhi ghubar karte hue
KHud apne hath ki haibat se kanp jata hun
kabhi kabhi kisi dushman pe war karte hue
Ghazal
Ye jabr bhi hai bahut iKHtiyar karte hue
Aftab Hussain