ye fasl-e-gul hai gareban ke tar ki had tak
junun ki KHair junun hai bahaar ki had tak
farogh-e-husn salamat kahin to hogi sahar
ki shab hai gesu-e-mushkin tatar ki had tak
qadam baDha ki abhi dur hai teri manzil
shikast-e-abla-pai hai KHar ki had tak
yahan kuchh aur nahin mawara-e-lail-o-nahaar
ye kaenat hai lail-o-nahaar ki had tak
Ghazal
Ye fasl-e-gul hai gareban ke tar ki had tak
Mohammad Siddiq Saib Tonki