yaqin se jo guman ka fasla hai
zamin se aasman ka fasla hai
hawa-paimai ki KHwahish hai itni
ki jitna baadban ka fasla hai
KHayalat is qadar hain muKHtalif kyun
hamare darmiyan ka fasla hai
koi izhaar kar sakta hai kaise
ye lafzon se zaban ka fasla hai
main us tak kis tarah pahunchunga 'tabish'
yahan se is jahan ka fasla hai
Ghazal
Yaqin se jo guman ka fasla hai
Tabish Kamal