یک نگہ سیں لیا ہے وہ گلفام
کیا خرد کیا شکیب کیا آرام
حق میں عشاق کے قیامت ہے
کیا کرم کیا عتاب کیا دشنام
مجھ کوں گل گشت باغ زنداں ہے
سبزہ زنجیر و شاخ سنبل و دام
مے کشی کوں تری گلستاں میں
سرو مینا ہے دور نرگس جام
وقت ہے اب نماز مغرب کا
چاند رخ لب شفق ہے گیسو شام
آرزو ہے جو منزل مقصود
ترک مطلب ہے مدعائے تمام
صدق دل سیں سراجؔ باندھا ہے
کعبۂ کوئے یار کا احرام
غزل
یک نگہ سیں لیا ہے وہ گلفام
سراج اورنگ آبادی