wo tez harf jo phenka guzarne wale ne
uTha liya hai use ghar mein Darne wale ne
na puchh kitni baDi tirgi ko par kiya
zara si raushni aaankhon mein bharne wale ne
na jaane din ka lahu kis qadar kashid kiya
shafaq se sham ke daman ko bharne wale ne
bahut hi gahra tha pani mein Dar gaya 'shahin'
sada to di thi mujhe bhi utarne wale ne
Ghazal
Wo tez harf jo phenka guzarne wale ne
Javed Shaheen