wo jo karte the baat baat ka gham
un ko ras aa gaya hayat ka gham
ai shab-e-hijr mere sine par
tu ne rakkha hai kaenat ka gham
tu bhi suraj hai apni hasti ka
tujh ko malum kya ho raat ka gham
chal gham-e-dil gham-e-jahan liye
bhul jaen talluqat ka gham
aaj fursat mili thi bahar se
kha gaya andarun-e-zat ka gham
wo payambar hain apni raaton ke
jin pe utra hai chand-raat ka gham
Ghazal
Wo jo karte the baat baat ka gham
Qamar Abbas Qamar