wo jin ke naqsh-e-qadam dekhne mein aate hain
ab aise log to kam dekhne mein aate hain
kahin nahin hai minara na mimbar o mehrab
mahal-sara se haram dekhne mein aate hain
tawaf-e-ku-e-suKHan KHatm hi nahin hota
koi nahin hai to hum dekhne mein aate hain
aTe hue hain ghubar-e-shikastagi mein 'salim'
jo aaine pas-e-gham dekhne mein aate hain
Ghazal
Wo jin ke naqsh-e-qadam dekhne mein aate hain
Saleem Kausar