wo gul wo KHwab-shaar bhi nahin raha
so dil ye KHaksar bhi nahin raha
ye dil to us ke nam ka paDaw hai
jahan wo ek bar bhi nahin raha
paDa hai KHud se wasta aur is ke baad
kisi ka e'tibar bhi nahin raha
ye ranj apni asl shakl mein hai dost
ki main ise sanwar bhi nahin raha
ye waqt bhi guzar nahin raha hai aur
main KHud ise guzar bhi nahin raha
Ghazal
Wo gul wo KHwab-shaar bhi nahin raha
Idris Babar