EN हिंदी
وقت ہی کم تھا فیصلے کے لئے | شیح شیری
waqt hi kam tha faisle ke liye

غزل

وقت ہی کم تھا فیصلے کے لئے

ضیاء مذکور

;

وقت ہی کم تھا فیصلے کے لئے
ورنہ میں آتا مشورے کے لئے

تم کو اچھے لگے تو تم رکھ لو
پھول توڑے تھے بیچنے کے لئے

گھنٹوں خاموش رہنا پڑتا ہے
آپ کے ساتھ بولنے کے لئے

سیکڑوں کنڈیاں لگا رہا ہوں
چند بٹنوں کو کھولنے کے لئے

ایک دیوار باغ سے پہلے
اک دوپٹا کھلے گلے کے لئے

ترک اپنی فلاح کر دی ہے
اور کیا ہو معاشرے کے لئے

لوگ آیات پڑھ کے سوتے ہیں
آپ کے خواب دیکھنے کے لئے

اب میں رستے میں لیٹ جاؤں کیا
جانے والوں کو روکنے کے لئے