waqt-e-ruKHsat wo aansu bahane lage
dil dukhane ke manzar suhane lage
pursish-e-dard ko jab wo aane lage
zaKHm-e-dil misl-e-gul muskurane lage
raat pal bhar ko palken jhapakne na din
subah hote hi aankhen churane lage
aankh bhar aai barkha ke pani ki jab
naw kaghaz ki bachche bahane lage
mere aansu the un ki hansi ka sabab
roi shabnam to gul muskurane lage
Ghazal
Waqt-e-ruKHsat wo aansu bahane lage
Ram Awtar Gupta Muztar