wahshat ka kahin asar nahin hai
kuchh bhi hai ye mera ghar nahin hai
ta-hadd-e-falak khinchi hai diwar
diwar mein koi dar nahin hai
aaghaz-e-safar mein qafila tha
ab ek bhi ham-safar nahin hai
kufa ho damishq ho madina
sadat ka koi ghar nahin hai
wo, wo to nahin jo samne tha
mera hai, mera magar nahin hai
is ahd ki shanaKHt Thahri
sab kuchh hai magar nazar nahin hai
jine ki talab nahin hai 'shohrat'
jine se magar mafar nahin hai
Ghazal
Wahshat ka kahin asar nahin hai
Shohrat Bukhari