us ki to ek dil-lagi apna bana ke chhoD de
jae wo ab kahan jise sab se chhuDa ke chhoD de
khel nahin hai bad-guman qaul-o-qarar bhulna
phir se aazma ke dekh yaad dila ke chhoD de
nibh chuka zindagi ka sath jab ye abhi se haal hai
bojh baTane wala hi bich mein la ke chhoD de
us se kahen to kya kahen jis ke mizaj mein ye zid
jab na lagi bujha sake aag laga ke chhoD de
rah tawil panw shal aur ye ham-safar ka haal
le to chale sambhaal ke bich mein la ke chhoD de
Ghazal
Uski to ek dil-lagi apna bana ke chhoD de
Arzoo Lakhnavi