tum mein to kuchh bhi wahiyat nahin
jao tum aadmi ki zat nahin
dil mein jo hai wahi zaban pe hai
aur koi hum mein KHas baat nahin
sab ko dhutkara darkinar kiya
ek bas KHud hi se najat nahin
khul ke milte hain jis se milte hain
zehn mein koi chhut-chhat nahin
ek talluq sabhi se hai lekin
sab se jaez talluqat nahin
shairi hai ye shairi sahab
ye sharifon ke bas ki baat nahin
Ghazal
Tum mein to kuchh bhi wahiyat nahin
Shamim Abbas