tujh ko bataen kis tarah, baiThe hain kaise haal mein
duniya mein aisa kya hai jo, aata nahin wabaal mein
DhunDte phir rahe hain hum aise shikari hath ko
arz o sama ki wusaten, qaid hon jis ke jal mein
pahle wo mera KHwab tha, ab to main us ka KHwab hun
mujh ko bata ai zindagi! kaun hai kis ki chaal mein
shahar se shahar ka safar, KHwab tha mera ham-safar
main ne to ji li zindagi, baiTh ke ek shaal mein
inT se inT joD kar, KHwab bana raha hun main
raKHne na Dal mere yar, KHwab ki dekh-bhaal mein
Ghazal
Tujhko bataen kis tarah, baiThe hain kaise haal mein
Rana Amir Liyaqat