Teri madad ka yahan tak hisab dena paDa

teri madad ka yahan tak hisab dena paDa
charagh le ke mujhe aaftab dena paDa

har ek hath mein do do sifarshi KHat the
har ek shaKHs ko koi KHitab dena paDa

talluqat mein kuchh to darar paDni thi
kai sawal the jin ka jawab dena paDa

ab is saza se baDi aur kya saza hogi
nae sire se purana hisab dena paDa

is intizam se kya koi mutmain hota
kisi ka hissa kisi ko janab dena paDa