tera hum ne jis ko talabgar dekha
use apni hasti se be-zar dekha
ada hi ki hasrat mein sab mar gae sach
tajalli ko kis ne ba-takrar dekha
teri aankh bhar jis ne taswir dekhi
wo taswir sa naqsh-e-diwar dekha
ajab kuchh zamane ki hai rasm yaro
jo hai kaam ka us ko bekar dekha
wa-lekin achambha baDa mujh ko ye hai
ki Tuk 'soz' ka garm bazar dekha
Ghazal
Tera humne jis ko talabgar dekha
Meer Soz