thi kuchh na KHata phir bhi pasheman rahe hain
kya kya gham-e-haalat ke unwan rahe hain
KHud jin ko na irfan tha taqdis-e-junun ka
wo bhi meri hasti ke nigahban rahe hain
jin ko meri har baat pe wahshat ka guman tha
wo meri KHamoshi ka bura man rahe hain
dilchasp nazar aai thi ye rasm-o-rah-e-dil
par jaan ka ek rog hai ab jaan rahe hain
jo bhi hai use tangi-e-daman ka gila hai
ek ek ko hum dur se pahchan rahe hain
Ghazal
Thi kuchh na KHata phir bhi pasheman rahe hain
Shaheen Gazipuri