tah-e-aflak hi sab kuchh nahin hai
zamin ki KHak hi sab kuchh nahin hai
kai sachchaiyan hain mawara bhi
had-e-idrak hi sab kuchh nahin hai
dil-o-jaan ki bhi nisbat hai junun se
qaba-e-chaak hi sab kuchh nahin hai
ye gul buTe bahut dilkash hain lekin
sar-e-poshak hi sab kuchh nahin hai
abhi hai ibtida mashq-e-sitam ki
lab-e-saffak hi sab kuchh nahin hai
Ghazal
Tah-e-aflak hi sab kuchh nahin hai
Arman Najmi