sukun-pazir junun-e-shabab ho na saka
shaguft-e-mausam-e-gul kaamyab ho na saka
uDae barq o gul-o-lala ne bahut KHake
magar koi mere dil ka jawab ho na saka
wahan hum aarzu-e-KHwab-e-aish kya karte
jahan qayam ba-miqdar-e-KHwab ho na saka
badal gain wo nigahen ye hadsa tha aKHir
phir is ke baad koi inqalab ho na saka
wahan payam ki gunjaishen kahan 'simab'
jahan salam mera mustajab ho na saka
Ghazal
Sukun-pazir junun-e-shabab ho na saka
Seemab Akbarabadi