socha ki wa ho sabz daricha jo band tha
pilahaTon ka chehra bahut fikrmand tha
har sans thukti thi lahu zard rang ka
har shaKHs us gali ka aziyyat-pasand tha
miThe tabassumon ko liye sab se baat ki
KHud se kiya kalam to lab zahr-qand tha
bauna tha wo zarur magar is ke bawajud
kirdar ke lihaz se qad ka buland tha
main ne fasil-e-shab ko muqaddar nahin kiya
tira-shabi mein ghir ke bhi dil arjumand tha
Ghazal
Socha ki wa ho sabz daricha jo band tha
Yusuf Jamal