siyah-KHana-e-dil par nazar bhi karta hai
meri KHataon ko wo darguzar bhi karta hai
parind unchi uDanon ki dhun mein rahta hai
magar zamin ki hadon mein basar bhi karta hai
tamam umr ke dariya ko moD deta hai
wo ek harf jo dil par asar bhi karta hai
wo log jin ki zamana hansi uData hai
ek umr baad unhen mo'tabar bhi karta hai
jala ke dasht-e-talab mein ummid ki shamen
aziyyaton se hamein be-KHabar bhi karta hai
Ghazal
Siyah-KHana-e-dil par nazar bhi karta hai
Khaleel Tanveer