sirf mere liye nahin rahna
tum mere baad bhi hasin rahna
peD ki tarah jis jagah phuTa
umr-bhar hai mujhe wahin rahna
mashghala hai sharif logon ka
surat-e-mar-e-astin rahna
dili ujDi udas basti mein
chahte the kai makin rahna
mar na jae tumhaari phulwari
qarya-e-zaKHm ke qarin rahna
muskuraata hun aadatan 'aslam'
kaun samjhe mera ghamin rahna
Ghazal
Sirf mere liye nahin rahna
Aslam Kolsarii