shukr ko shikwa-e-jafa samjhe
kya kaha main ne aap kya samjhe
hum teri baat naseha samjhe
koi samjhe hue ko kya samjhe
marazul-maut ko shifa samjhe
dard ko jaan ki dawa samjhe
is taDapne ko muddaa samjhe
dil-e-bad-KHu tujhe KHuda samjhe
kar diye ek jahan ke but-e-KHud-bin
ai sikandar tujhe KHuda samjhe
'shola' kal hi to mai-kade mein the
aaj tum kis ko parsa samjhe
Ghazal
Shukr ko shikwa-e-jafa samjhe
Shola Aligarhi