shorish-e-harf hai ayagh mein kuchh
likh qalam manzil-e-balagh mein kuchh
dekhe jata hai wo qadam ke nishan
mil gaya hai use suragh mein kuchh
aaftab aur ye siyah-KHana
tu ne dekha hai dil ke dagh mein kuchh
sari duniya ko mar di Thokar
aa gaya tha mere dimagh mein kuchh
zikr-e-bagh-e-naim hai wallah
lutf aane laga faragh mein kuchh
bujh raha hai ufuq pe ab suraj
aap rakh dijiye charagh mein kuchh
ai 'qamar' aankh se utar dil mein
zau-fishani ho dil ke bagh mein kuchh
Ghazal
Shorish-e-harf hai ayagh mein kuchh
Qamar Abbas Qamar