شرح جمال کیجے شہادت کے ماسوا
حسن ازل کی بات روایت کے ماسوا
رگ رگ میں دوڑتی تھی بہاروں کی تازگی
اب کچھ نہیں لہو میں حرارت کے ماسوا
معنی میں ڈھال دیجئے اک ایک حرف کو
کیجے مگر کلام عبارت کے ماسوا
ملتا نہیں جہان میں رنگ آستان کا
ماتم ہے کربلا میں شہادت کے ماسوا
بس اک قیام دید پہ ہے اجتماع کل
ممکن نہیں ہے حشر قیامت کے ماسوا
اٹھتا نہیں ہے پاؤں صمدؔ آبلہ بغیر
لب پہ نہیں ہے حرف صداقت کے ماسوا
غزل
شرح جمال کیجے شہادت کے ماسوا
صمد انصاری