shakl-e-mizhgan na KHar ki si hai
hum ne taDi kaTar ki si hai
hans ke kahte hain bosa-bazi mein
jit bhi apni haar ki si hai
ishq-e-mizhgan mein hum ne kanTon se
sozani jism-e-zar ki si hai
us pe aalam-fareb hai duniya
phus baDhiya madar ki si hai
garm-raftar hai wo jaane mein
mujh ko aamad najar ki si hai
apni aankhon mein har gali taswir
'shad' putli kumhaar ki si hai
Ghazal
Shakl-e-mizhgan na Khaar ki si hai
Shad Lakhnavi