shahr shahr DhunD aae dar-ba-dar pukar aae
sina-chaak nikle the aur dil-figar aae
hum ki the tahi-daman dost aur kya karte
zindagi si dilkash shai tere gham mein haar aae
tere dar se gham le kar jab gunahgar uThe
mai-kadon ka kya kahna masjiden sanwar aae
laghzishon se wabasta laghzishen qayamat ki
raat kuchh ajab dhun mein tere baada-KHwar aae
dosto bas is lamha hum ko yaad kar lena
jab kabhi gulistan mein mausam-e-bahaar aae
Ghazal
Shahr shahr DhunD aae dar-ba-dar pukar aae
Ajmal Ajmali