EN हिंदी
شفق شجر موسموں کے زیور نئے نئے سے | شیح شیری
shafaq shajar mausamon ke zewar nae nae se

غزل

شفق شجر موسموں کے زیور نئے نئے سے

راجیندر منچندا بانی

;

شفق شجر موسموں کے زیور نئے نئے سے
دعاؤں کی اوس چنتے منظر نئے نئے سے

نمک نشیلی گداز فصلیں نئی نئی سی
افق پرندے گلاب بستر نئے نئے سے

خلا خلا بازوؤں کو بھرتی نئی ہوائیں
سفر صدف بادباں سمندر نئے نئے سے

یہ دن ڈھلے کس کا منتظر میں نیا نیا سا
یہ پھیلتے خواب میرے اندر نئے نئے سے

خنک ہوا شام کی کہانی نئی نئی سی
پرانے غم پھر محبتوں بھر نئے نئے سے