shayad tujh se milne ki gunjaish hai
sannaTa hai KHamoshi hai barish hai
meri aankhen KHwab tere hi dekhengi
in mein begane KHwabon ki bandish hai
ab ja kar ke dil ko ye ehsas hua
tera pyar bhi pyar nahin ek sazish hai
tujh ko dekh ke aisa kyun mahsus hua
KHush hai tu ya KHush hone ki koshish hai
rishton ki qabron par miTTi mat Dalo
in mein ab bhi sanson ki gunjaish hai
Ghazal
Shayad tujhse milne ki gunjaish hai
Sonroopa Vishal