shane ka bahut KHun-e-jigar jae hai pyare
tab zulf kahin ta-ba-kamar jae hai pyare
jis din koi gham mujh pe guzar jae hai pyare
chehra tera us rose nikhar jae hai pyare
ek ghar bhi salamat nahin ab shahr-e-wafa mein
to aag lagane ko kidhar jae hai pyare
rahne de jafaon ki kaDi dhup mein mujh ko
sae mein to har shaKHs Thahar jae hai pyare
wo baat zara si jise kahte hain gham-e-dil
samjhane mein ek umr guzar jae hai pyare
har-chand koi nam nahin meri ghazal mein
teri hi taraf sab ki nazar jae pyare
Ghazal
Shane ka bahut KHun-e-jigar jae hai pyare
Kaleem Aajiz